Hættu að reykja með hjálp nálastungu

Ég skellti mér í nálastungu fyrir stuttu, og það var ekki við bakverkjum, heldur var það til að fá hjálp við að hætta að reykja.
Fór á stað sem að heitir Heilsudrekinn. Þar var stungið nálum í hendurnar, magann og kálfana. Það var mjög gott en hjálpaði mér ekkert með reykingarnar, fann eiginlega bara engan mun á mér.

Svo fór ég aftur á móti 2 vikum seinna á Kínversku Nuddstofuna við Skólavörðustíg. Þar var nálunum stungið á allt annan stað, eða í eyrun. Maðurinn þar sagði við mig þegar ég kom "Þú hætta reykja núna, 9800 kr, 10 ára ábyrgð!!!". Asskoti stór orð verð ég viðurkenna....En ég og einn vinur minn fórum og þetta svoleiðis svínvirkaði. Auðvitað tekur þetta ekki alveg öll fráhvarfseinkenni burt, en þetta hjálpar þér með það allra erfiðasta.

Ætla nú samt ekkert að vera að hrópa húrra strax, þar sem að þetta var fyrir eingöngu 22 dögum síðan. En allavega, ég er ekkert búinn að reykja síðan þá, ekki einu sinni smók. Er samt sem áður búinn að vera mikið í kringum reykingarfólk og ég er búinn að detta í það þrisvar...en samt....ekki einn einasti smók. Ég reykti lágmark einn pakka á dag í um það bil 14 ár!! Annars hvað varðar að hætta að reykja - það virðist bara vera mjög einstaklingsbundið hvað virkar fyrir hvern.

Nálastungur bestar til að lina bakverki